ഞാന്‍ ശൂര്‍പ്പണക
നീ മൂക്കും മുലയും ..
അരിഞ്ഞു തള്ളിയവള്‍
ലക്ഷ്മണാ..നിന്‍റെ കരവാളിന്
എന്‍റെ സ്വപ്നങ്ങളെ തടയാനാവില്ല
നീ അറുത്തിട്ട മോഹങ്ങള്‍
തുടിക്കുന്നത് കണ്ടില്ലേ...
സദാചാരത്തിന്‍റെ മുഖം മൂടി
നിനക്ക് ചേരുന്നില്ല
നിന്‍റെ ഹൃദയം തുടിക്കുന്നതും..
നീ വിയര്‍ക്കുന്നതും കണ്ടോ
നീ രാമനല്ല ..ഞാന്‍ സീതയുമല്ല
പതിനാലു വര്‍ഷങ്ങള്‍
പാദ സേവക്കുഴിഞ്ഞിട്ട ..
പാഴായ യുവത്വം
വരൂ ലക്ഷ്മണാ..
വൈരൂപ്യത്തിലെ സൌന്ദര്യം
രാക്ഷസീയ ആസക്തി.
ഒരിക്കല്‍ .. ഒരിക്കലെങ്കിലും...
Subscribe to:
Post Comments (Atom)
No comments:
Post a Comment